No tabata exactamente ‘business as usual’ diaranson na momento cu e red-light district di Amsterdam a sali di lockdown di coronavirus, pero tabata cerca.
“Nos ta, obviamente, custuma di cuida higiena”, segun Janet van der Berg di e Centro di Informacion di Prostitucion den centro di e red di caya y canal unda trahadonan sexual ta posa na bentana baña pa luz cora pa atrae clientenan.
Trabou sexual tabata entre e profesionnan permiti pa reanuda trabou per dia 1 di juli ultimo, den e relahacion mas recien di medida di prevencion na Hulanda. Tambe gym a habri nan porta diaranson.
Van der Berg a bisa cu no tur bentana den e edificionan historico di red-light district tabata ocupa riba e prome dia bek den servicio despues di lockdown. E cantidad di turista y bishitante na e capital Hulandes a reduci considerablemente desde cu e pandemia practicamente a stop turismo global.
Pero segun Van der Berg, tabata druk mientras trahadonan sexual a ricibi clientenan atrobe. “Mi a tende cu nan ta druk. Mi ta kere tin un atmosfera di fiesta”, el a bisa.
Trahadonan sexual a tuma stapnan pa minimisa e riesgo pa nan mes y nan clientenan di bira infecta cu coronavirus, incluyendo check individuonan pa sintoma prome cu permiti nan pasa door di un bentana.
“Tin handsanitizer y nos a pensa ki posicionnan ta bon – of no – pero esey no ta un protocol oficial, bo por figura esey bo mes”, segun Van der Berg. “Y unabes e cliente a bay, bo mester desinfecta e luga bon… Mi ta kere di e forma aki nos por traha mesun safe cu hende cu ta traha cerca di nan cliente, manera salon di beyesa.”
E red-light district ta keda un di e atraccionnan di turismo mas grandi di Amsterdam, cu su mescla di bar, burdel, show sexual y coffee shop bendiendo marihuana.
