Bon Dia Aruba y Bondia24.com como medio di comunicacion responsabel ta haci e siguiente rectificacion riba articulo titula: “Trahado ilegal haya na cas di minister a keda deteni pa deportacion”
Den e articulo aki lo a sali un of mas nomber relaciona cu e caso di permiso caminda ta sospecha Minister Paul Croes di actonan ilegal. Den e articulo aki a menciona nomber di Richenel Stamper (DPL) y Radighmyr Abdoel-Khan. Ambos persona te na e momento aki no tin nada di haci e caso. Tambe a menciona un entrada na dos negoshi di esposa di sr. Croes, esta Melony Paesch cual tampoco no lo a tuma lugar.
E motibo di e publicacion eroneo ta di un fout administrativo unda a bruha e lista di personan cu posiblemente lo por wordo investiga cu e lista real. Aunke cu den e prome publicacion a menciona mas nomber, a opta pa kita tur pendiente pa pone e lista completo, verifica y sin eror. A ricibi un reaccion oficial di sr. Stamper cual lo keda publica den corant di dia 30 di maart.
Nos disculpa pa e inconvenencia y bruhacion cu esaki por a trece.
