(AP) – Lansamentonan special di LP, presentacionnan live y por lo menos un fiesta grandi ta den schedule alrededor di Merca diasabra cu centenares di tienda ta celebra Record Store Day durante un aumento di interes den vinyl y e dia despues di e lansamento di Taylor Swift su album mas recien.
No tabatin ningun special anuncia pa Record Store Day pa e yega di Swift su album, sinembargo su fanaticonan tabata anticipa ansiosamente e album nobo cu LP colectible.
Den mallnan y ciudadnan grandi, e tiendanan hopi biaha ta e prome den reconoce y promove artistanan cu ta cuminsando. Añanan prome cu Swift tabata un ganadora di Grammy, Bull Moose Music na Portland tabata regalando un di su guitaranan firma den un competencia. “Nos tabata bendiendo su musica prome cu tur e tiendanan grandi. Semper nos tabata sa cu e lo bira un gran strea,” Chris Brown, empleado di Bull Moose y co-fundador di Record Store Day a comenta.
Record Store Day ta un celebracion di mas o menos 1,400 tienda independiente di loke ta conoce como record, na Merca y miles di tienda mundialmente cu a dura decada habri.
“Pa mi, e recordnan ta zona miho cu cualkier CD,” Michael Iffland, un retirado di 70 aña comenta. Agregnaod cu “e ta sinti great pa tin un record den bo man, mirando e arte y tendiendo e zonido beyo.”
E doñonan y empleadonan di e tiendanan independiente a crea e idea na un reunion den aña 2007 como un manera pa hala atencion na nan cultura unico riba e tercer diasabra di april.
E prome Record Store Day a keda celebra dia 19 di april den aña 2008 y ciudadnan alrededor di Merca despues a declara e celebracion como un dia festivo oficial, incluyendo New York City, Los Angeles y Las Vegas.
