Den nos edicion di ayera, Bon Dia Aruba a publica un articulo detayando e resultadonan di e investigacion dirigi pa expertonan Mericano di MPR pa loke ta trata e red di electricidad di ELMAR NV y e interupcionnan di coriente cu a sucede frecuentemente durante e ultimo simannan.

Algun di e resultadonan cu a e expertonan a presenta ta indica cu segun e datonan, e cantidad di interupcionnan di coriente te cu aworaki den 2024, alrededor di 9 pa luna, ta den mesun liña cu e cantidad di interupcionnan pa luna for di aña 2020 pa 2023.

Otro resultado ta indica cu e promedio interupcionnan di coriente relaciona cu blaasnan di helium of fli a aumenta, cu un aumento significante den e ultimo dos aña. Pa loke ta trata interupcionnan relaciona na confiabilidad di ekipo, datonan ta indica cu esaki tin e impacto

mas grandi impacto pa frecuencia y duracion, locual ta nifica cu interupcionnan causa pa problemanan di confiabilidad di ekipo ta impacta clientenan mas frecuentemente y pa e tempo

mas largo.

E experto di MPR, Spencer Paul, a splica cu datosnan ta mustra cu e fayo di ekipo ta e riesgo mas grandi riesgo cu nan ta mira na e isla pa e interupcionnan y e suministro confiabel di electricidad.

ELMAR a implementa un plan di mantenemento pa drecha algun di e areanan cu MPR a señala den nan investigacion. E plan aki, Paul a indica, ta enfoca riba e ekipo cu a ser selecciona pa motibo cu ta e ekipo cu ta mas facil pa mantene aki na e isla.

El a resalta cu e meta ta pa haya un balans entre sentido practico di mantenemento, e impacto cu

lo tin riba interupcionnan di coriente y tambe e costo di haci e mantenemento pa asina por keda

sensitivo pa e costo di electricidad na e isla.

E implementacion di e plan di mantenemento aki tin su desafionan. E experto di MPR a splica cu e desafionan ta cu esaki ta un emprendimento grandi pa ELMAR y ta un aumento grandi den e trabao cu e personal di ELMAR ta tuma internamente.

Otro problema cu a bin dilanti ta cu lo tin un cantidad substancial di ekipo di reemplaso y material cu ta necesario pa logra e mantenemento. Esaki Paul a indica ta un problema mundial pa motibo di e demanda pa ekipo electrico.

Por ultimo, Paul a indica cu loke nan ta mira ta cu e iniciativa di mantenemento aki tin un

cambio significativo den manera cu ELMAR tabata conduci negoshi anteriormente y esaki lo

trece algun desafio organisacional den ELMAR.

Paul a resalta cu ELMAR a cuminsa tuma pasonan caba pa adresa e desafionan cu nan a menciona.

El a menciona cu un di e pasonan principal ta e establecimento di e Project Management Office (PMO), un organisacion cu su responsabilidad ta unicamente e iniciativa di mantenemento y facilita esaki pa sigura cu e iniciativa tin exito, cual ta parti di e recomendacionnan cu e expertonan di MPR ta duna pa mehora e red di electricidad na Aruba.

E meta, el a señala, ta pa maneha e mantenemento manera un proyecto y cu por trece e individuonan necesario for di e departamentonan rond di ELMAR pa por facilita e comunicacion y coordinacion cu ta necesario pa logra esaki.

El a subraya cu MPR ta apoya fuertemente e uso di un PMO y a kere cu esaki ta necesario pa e iniciativa di mantenemento. El a enfatisa cu e exito di e iniciativa di mantenemento lo ta vincula directamente cu e exito di e implementacion di e PMO.

Sr. Frank Del Campo a presenta e recomendacionnan cu MPR ta duna pa por drecha e situacion di red di coriente na ELMAR NV. El a splica cu e recomendacionnan ta cay den tres tipo di categoria.

E prome ta e PMO, su structura y su implementacion. Del Campo a splica cu un project manager y un ekipo detaya pa e PMO ta un atributo critico pa e iniciativa di mantenemento.

El a sigui splica cu e ekipo aki di PMO mester ta separa for di e operacionnan diario y e ekipo ey mester ta enfoca hopi fuerte riba acelera mantenemento, hopi mantenemento den un periodo cortico di tempo.

E di dos recomendacion ta relaciona na solucion pa termino cortico, kico por haci aworaki pa acelera e iniciativa di mantenemento y den e punto aki nan a recomenda dos cos.

Uno ta pa tuma e plan di tres aña y converti esaki den un proyecto y maneh’e manera un proyecto. Di e forma aki, e evidencianan di esaki ta tuma luga y lo tin schedulenan detaya, registro di riesgonan, rapportnan di estado di proyecto y reunionnan.

E dos cos ta cu ELMAR mester ta inteligente na unda e mantenemento ta tuma luga prome. Del Campo a indica cu nan mester descubri unda di ekipo mas vulnerabel ta, pone esey den un tipo di analisis di riesgo y cuminsa pone un orden di prioridad di unda mester bay prome pa ataca e ekipo mas vulnerable. Esaki, el a menciona, lo ta basa riba probabilidadnan y consecuencia.

Del Campo a agrega cu nan kier pone tambe den e PMO indicadornan di prestacion cu ta haci regularmente y esaki lo ta clave pa midi i comunica e progreso den e organisacion pa dirigi e organisacion pa asina por haci e coreccionnan necesario pa cumpli cu e obhetivonan.

Algun ehempel di esaki cu e experto a menciona ta KPI pa trabou completa, pa con e gastonan ta bay, presupuesto versus real, y unda e inventario ta pa soporta e trabou cu mester ser realisa.

E di tres area cu nan kier enfoca riba dje ta kico nan por capitalisa riba dje den termino di experiencia y conocemento pa forma e mantenemento y haci’e eficiente, efectivo y sigur. Den esaki nan recomendacion ta enfoca ariba e coleccion y uso di e datonan. Den otro palabra, Del Campo a subraya, mehorando esaki, unda tur e datonan ta, pone un databes centralisa y di maneho di activo.

El a splica cu cosnan cu lo ta aden lo ta cosnan manera e fabricante di ekipo, e edad di ekipo, e ultimo biaha cu e ekipo a haya mantenemento, historia di trabao y tipo di cosnan. E database lo mester tin un proceso tambe pa mantene y usele. El a indica cu di e informacion aki, nan por desaroya rapportnan standard cu ta informa e programa, e PMO, pa haci ahustamento den e curso pa pone e area corecto y haci e cambionan corecto pa sigui move pa dilanti.