Agencia regional di salud na e capital Frances ta recomendando pa mucha bou di 7 aña y tur muhe na estado cu tabata cerca di Catedral di Notre Dame, haci un test di sanger pasobra tin preocupacion cu e candela cu a caba cu e monumento por a causa contaminacion.
E candela di 15 di april a ocasiona cu gran cantidad di material toxico di e catedral a los den aire. E agencia a bisa cu nan a identifica un mucha kende ta biba den area cu un nivel di material toxico den sanger mas halto cu e nivel regular.
Segun test di locual a haya na e vloer y algun edificio administrativo cercano na e catedral, e nivelnan toxico ta halto. Sinembargo, e agencia a duna informacion cu test cu a wordo haci reciente ta mustra cu no tin riesgo pa e calidad di aire.
Autoridad di Paris a cuminsa haci limpi cu un mashin na e puiro cu a keda di candela na e parti restante di e patio di Notre Dame.
