Un colectivo Hulandes a presenta un demanda masivo contra companianan technologico Mericano pa violacion di privacidad di usuarionan di Internet. Nan ta acusa di recopila, comercialisa y maluza data di miyones personanan di Hulanda.
E fundacion Privacy Colletive ta tras di e reclamo, Het Financieele Dagblad a skirbi. E ta e prome reclamo colectivo pa violacion di privacidad basa riba reglanan nobo di reclamo masivo cu ta wordo introduci e aña aki, segunabogado di e fundacion, Christiaan Alberdingk Thijm a bisa. E biaha aki e lidernan global den tecnologia, como Facebook y Google, no ta sintando dilanti tribunal, sino companianan tecnologico un poco mas chikito manera Oracle y Salesforce. “Hopi hende ta conoce e scandalnan di Facebook y Google”, Alberdingk Thijm a bisa den e NOS Radio 1 Journaal. “Nos ta haye importante pa bay contra e partidonan aki riba nan comportamento, pasobra nan tin un gran pida di e mercado aki, pero no hopi hende sa di nan. Esey tambe ta e problema: hopi hende no sa kico ta pasando patras di escena cu nan data personal.”
Data via cookies
Oracle y Salesforce a colecta data di usuarionan di internet na gran escala, segun The Privacy Collective. Nan ta haci esey cu cookies specialmente desaroya cu nan por identifica hende. Asina nan por wak kico bo ta lesa, kico bo ta wak y hasta kico bo ta cumpra. “Asina nan ta traha un profiel online di bo, unda henter bo identidad ta wordo determina.” Asina, companianan por publica aviso comercial dirigi pa bo, cu ta increiblemente valioso, un abogado a bisa. “Nan ta gana miles di miyonnan asina. Nos, como consumidornan, ta converti en un especie di materia prima pa e companianan cu ta den aviso comercial.” Usuarionan no a duna permiso, mientras segun ley di privacidad AVG esaki ta necesario.
Salesforce no ta di acuerdo cu e acusacionnan, compania di FD a bisa. “Nos tin intencion pa demostra cu nan ta infunda”. Oracle a bisa den un respuesta pa UE cu nan solamente ta complila data limita y cu “no ta hunga un rol directo” den e subastanan di aviso comercial digital. Segun e compania, e reclamo ta “infunda” y e demanda ta engañoso.
Miles di miyon di euros
Alberdingk Thijm ta confia cu e demanda lo termina bon. “Esey ta pasobra un parti di e declaracionnan haci pa e Conseho di Estado den otro caso considera mucho menos grave cu ta wordo trata aki”. E ta bay over un indemnisacion di 500 euro cu ta concedi di un pacient di Centro Pieter Baan anteriormente den e aña, despues cu e clinica a comparti data personal cu otro partidonan. E abogado ta conta riba 500 euro pa cada daño per persona, resultando den un demanda di miles di miyonnan. “Esey ta afirmacionnan considerabel en total”. E caso ta wordo respalda pa un fundacion di reclamo Ingles, cu ta financia e caso y ricibi un parti di e dañonan a cambio. “Asina nos tin basta recursonan financiero pa actua contra e gigantenan tecnologico aki.” Tambe tin un reclamo masivo contra Facebook pa problemanan di privacidad. Luna pasa decenas di miles di usuarionan a informa na e Asociacion di Consumidornan y Fundacion di Privacidad di Data, cu a inicia e demanda.
