Corte supremo di husticia di Chile a rechasa e medida di amparo cu e grupo di abogado a presenta, cu ta traha na defensa di nuebe funcionario publico Boliviano cu a keda deteni na Chile. Dos militar y siete funcionario di Aduana mester keda deteni di manera preventivo.
E decision a ser comunica riba Twitter di fiscalia di Tarapaca y tabatin expectativa grandi di parti di autoridad di Bolivia y famia di e presonan cu ta deteni desde mas di 30 dia.
Héctor Arce, ministro di husticia Boliviano a haci un yamado na autoridad di Chile, y tambe a urgi nan pa purba di traha segun ley. Arce a ratifica tambe cu e funcionarionan di Bolivia no a comete ningun delito y cu solamente nan tabata combati e contrabando na frontera.
José Alberto Gonzalez, presidente di Senado a sigura cu gobierno di Bolivia no a descuida e trabao diplomatico cu nan mester haci pa asina por logra e liberacion di e funcionarionan di Bolivia, hunto cu accion hudicial cu nan mester introduci den e caso.
