Dia 10 di februari 2011, a upload un video riba YouTube cu a cambia bida di Rebecca Black pa semper. Si, ta trata di ‘Friday’.
Awo ta 10 aña a pasa desde cu Black a bira un sensasion viral pa lansa loke e tempo aya a ser considera como un di e pio videonan musical cu a yega di wordo traha tempo cu e tabatin apenas 13 aña. Y pa celebra, el a lansa un remix nobo di e cantica cu participacion di Big Freedia, Dorian Electra y 3OH3! – y un video musical cune.
Ta cla cu Black a madura un tiki desde e video original, ya cu e version nobo tin’e bistiendo un unitard di latex preto y boots, fishnet, y un ponytail dramatico un cantidad di accesorio cu sumpiña. Manera e video original, tin hopi pantaya berde mientras e ta pensa unda den auto e ta bay sinta.
Black, awo di 23 aña y ainda lansando musica, a recorda e reaccion – tanto negativo y positivo – na su hit inusual den un entrevista cu Stereogum tambe. “Hende tabata sea hari of bisando cosnan entre klas”, el a bisa contestando con el a bay cune na scol despues di e cantica. “Definitivamente tabata algo hopi straño.”
El a bira victima di ‘hopi cos malbado y teribel’ e tempo aya, cual el a bisa a tuma hopi trabao pa saca di su cabes. “Pero mi ta kere loke ta straño pa mi ta djis e diferencia den respuesta cu mi ta haya pa e cantica awo. Mi ta aprecia esey”, el a bisa.
Contestando con su bida actual ta compara cu e letra di e cantica, el a bisa: “Mi ta lanta prome cu 7or. Mi no ta bay scol. Mi odia cereal.”
