Den un reaccion di minister di Financia Xiomara Ruiz-Maduro (CAft) riba e carta di CAft, e ta bisa cu ya tin desaroyonan cu tin un efecto positivo riba e presupuesto 2018.
E ta lamenta cu CAft ya ta reacciona sabiendo cu Hulanda y Aruba ainda ta trahando riba un cambio di e normanan di CAft pa e financia publico di Aruba. Tambe e ta informa cu tin desaroyo (entrada di entre otro Refineria di Aruba) unda lo mustra cu e deficit financiero no ta keda riba e 3,3%.
Na october e gobierno lo entrega un cambio oficial na parlamento unda ta mustra e desaroyo di entrada y gasto publico.
E minister tambe ta bisa cu e calculacion di CAft di e debe nacional no ta cuadra y cu e organo di supervision no ta uza cifranan corecto entre otro e pronostico di Banco Central di Aruba (el a presenta esaki den e tabla).
Finalmente e ta admiti si cu no a logra baha e gastonan personal te awor. Esaki pa motibo cu mester a tuma temporalmente mas personal den servicio pa por ehecuta e plan di crisis social. Sinembargo pa termino largo e gastonan lo baha conforme un plan di personal. Prome minister ta lidera un grupo di trabou actualmente cu ta trahando riba e plan aki, asina e minister di Financia ta splica.
