Diasabra anochi den Entertainment Center tabatin actividad di Prins cu Pancho infantil, hubenil y Grandi di Aruba su Carnaval. Sinembargo despues cu e resultado a bira conoci di ken a gana den e categoria mas grandi, tabatin hopi ta cuestiona e edad di e prins den e caso aki como cu e ta surpasa e edad stipula den e reglanan traha pa Smac mes, cual ta 30 aña.
Presidente di Smac Randy Thiel a bisa di tabata consciente di e edad (41) di e prins, pero a permitie participa na bienestar di Aruba su Carnaval y e evento. Esaki mirando cu semper tin dificultad pa haya participante den e categoria menciona. Segun Sr. Thiel esaki ta e motibo cu a bay di acuerdo pa lag’e participa, pero a lubida di comunica esaki mas leu mirando cu tabata distrai cu tur e problemanan di e ultimo dianan ( situacion cu Musica).
E reglanan ta lo siguiente: Edad pa participa infantil: 7 – 10; Edad pa participa hubenil: 13 – 16; Edad pa participa grandi: 18 – 30. Personanan a laga nan comentario disgusta pa locual cu a tuma luga riba Facebook, e plataforma conoci hende ventila nan mes. Cuestionando dicon ta traha regla si no ta tene nan mes na dje y pa Smac duna un splicacion amplio riba e situacion aki describiendo e como un “bada bada”.
.JPG "Sra. Yvette Geerman di Dep. di Higiena: “Ley ta bisa cu si no tin carchi di salud na ordo, bo no por bende cuminda”")
