Departamento di Aviacion Civil a tuma nota di un keho cu un piloto lo a haci encuanto e servicio di control di trafico aereo di Aruba manera cu a keda publica den medionan di comunicacion.
Departamento di Aviacion Civil kier a aclaria cu na ningun momento no a ricibi ningun rapport di un for di ningun piloto/ aerolinea of controlado di trafico aereo, cu ta duna e indicacion cu algo lo por a bay robes riba e fecha 24 juli 2016.
Mester ta cla cu Departamento di Aviacion Civil no por haci un investigacion sin un rapport mirando cu no tin e dato nan necesario (dia, ora, tipo di avion, aerolinea, altura etc.) pa asina determina si regla(nan) di aviacion a wordo viola y ki ta e medidanan preventivo cu mester wordo tuma.
Asina mes personal di Departamento di Aviacion Civil a scucha e grabacion di full e dia encuestion y a deduci cu tur cos a bay segun reglanan di aviacion . Departamento di Aviacion Civil semper ta percura y lo sigui percura pa Aruba su espacio aereo ta uno sigur.
