RdK: “Nos no ta riba ningun blacklist internacional y por haci transaccionnan normal”

(CuraçaoChronicle) – Refineria di Korsou (RdK) a tuma nota di e noticia falso cu ta circulando, unda ta implica cu RdK ta riba un blacklist internacional, cual ta haci imposibel pa e refineria por haci transaccionnan internacional.

Esaki aparentemente no ta berdad. RdK no ta riba ningun blacklist internacional, y pa motibo aki, ta permanece posibel pa e compania por ricibi pago of haci transferencianan internacional via su cuentanan di banco. RdK ta sigui su operacionnan diario y ta haci transferencianan via e mesun cuentanan cu semper nan tabatin.

RdK a expresa cu nan ta lamenta e plamamento di tur e insinuacionnan incorecto y sin base cu ta haci den nan contra.