Diadomingo 1 di maart lo ta e di nuebe edicion di nos famoso Powerade Run & Fun walk. E aña aki e distancia lo ta 8.3 kilometer di cual por participa como individual of forma parti di un relay team di 2. E Prome lap ta 4.6k y di dos lap 3.7k.

E ruta; salida RCA Arena, Kamerling Onne, La Salle straat, retonde Piet, retonde Ponton, Santa Helena, Pita straat, Caya Frere Arnold, Caya Frere Alexis, pasa bou brug Hato, rotonde Aruba Bank, retonde Tanki Flip, retonde Tanki Leendert, caba na RCA Arena. Relay post ta na Brandweer Tanki Flip.

E popular Subway Kids Run ta tuma luga riba veld den Arena cu 3 distancia pa muchanan di 4 te cu 13. E aña aki ta introduci e categoria 14 y 15 aña cu lo core 3.5K. Salida RCA Arena bay rotonde Tanki Leendert y yega bek RCA.

Registracion ta on-line na e link rcarun.com y por pasa paga na Patrishi Store di diamars pa diasabra 10or mainta pa 6:30pm. Tambe por pasa paga na IBISA di dialuna pa diabierna 8or mainta pa 4or atardi. Na Patrishi Store por swipe debit of credit card. E costo pa 8k Run & Fun Walk y 3.5K “Youth Run” ta Awg 25,00 y pa relay Awg 50,00 pa team. Esaki ta inclui un nechi Dri-Fit shirt. Pa kids inscripcion ta Awg 10,00 cu ta inclui finisher’s medal.

Categoria Kids ta edad 4/5 y 6/7 400m 8/9 800m 10/11 y 12/13 1500m. Lo premia segun categoria edad cu ta conta hunto; 31 – 60 aña, 61 – 90 aña, 91 plus. Pa locual ta categorianan di e 8k individual ta como lo siguiente; U20, 20-29, 30-39, 40-49, 50-59, 60+ y lo premia 8K Run femenino y masculino apart. Tur participante cu cay den premio ta ricibi trofeo. Bib y Shirt pick-up diasabra 29 februari 8or mainta pa 5or atardi na Subway Alhambra.

Directiva di s.v. R.C.A. ta invita un y tur pa registra awe mes na e grandioso caminata aki y paga di biaha pa bo no keda afo. Manera semper e ambiente ta masha dushi mes, MC Roberto, massage station, frutanan fresco, sandwich, sopi y Awg 500.00 cash na door-prizes. Bo mester t’ey presente cu bo bib pa reclama bo premio. Ariba dia di careda bo por haya 10% descuento na tur Subway, presentando bo bib. Fondonan recauda ta bay bek pa yuda e club cu gasto di mantencion y tambe na materialnan di futbol pa e muchanan por sigui desaroya den nan deporte stima.