Awe Seccion Crimen Organisa en conexion cu un investigacion andando a dicidi di tene razzia ariba un percela den Koningstraat. Prome a detene en total 5 persona cu a cumpra droga na dicho percela y despues a bay over na detene e persona femenino di inicial P. cu probablemente tawata bende nan e droga.
Polis a detene tambe na e percela en total 5 dama cu nan papelnan cu no ta na ordo. Un cantidad di droga tambe a wordo confisca. Drocco y Jack ta e polisnan canino cu a detecta un cantidad basta grandi di droga. Teamnan cu a forma parti di e investigacion aki ta Seccion Crimen Organisa compaña pa K-9 Unit, Flex Team, Recherche y Guarda Nos Costa.
