Ministerio pa Asuntonan Interior y di Relacionnan di Reino ta trahando riba e problematica di e asina yama Burgerservicenummers, BSN pa studiantenan di e parti Caribense di Reino Hulandes. Asina drs Raymond Knops a contesta Tweede Kamer ayera durante e reunion riba presupuesto pa Islanan BES y Asuntonan di Reino.

Manera ta conoci, e ta un reto pa studiantenan di Caribe pa registra na Hulandasin e BSN, particularmente pa registra na municipionan y busca un cas na Hulanda. Segun Knops e Ministerio pa Asuntonan Interior ta trahando cu Minister di Enseñansa riba e problematica aki, y a bisacu‘ tin work-arounds’ cu ta permiti e studiantenan di nos paisnan toch pidi un financiamento di estudio na DUO sinnan BSN.

Pa loke ta e otro areanan cu nan ta confronta problema pa falta di e BSN, ainda no tin un solucion structural pero ta buscando otro proceduranan ‘work-around.’” E Secretario di Estado a bisa cu ta buscando forma pa percura cu no solamente studiantenan di Islanan BES, pero tambe di Corsou, St. Maarten y Aruba lo por haya nan BSN prome cu nan yega Hulanda. “Mi a busca di sa si e ta posibel pa por hayanan BSN sin cu mester adapta ley. Pero esey no ta e caso. Awor nos ta trahando cu Ministerio di Enseñansa pa soluciona e problema aki.

E Secretario di Estado a contesta e pregunta aki particularmente despues cu varios Parlamentario Hulandes a usa e declaracion di Ombudsman nacional den su rapport ‘Preocupacionnan di Studiantenan Caribense,” unda a ilustra cu logra un BSN ta un di e retonan mas grandi.

Otr opregunta tabata riba inversion structural pa percura cu hobennan di e islanan den Reino por studia sin preocupacion y asina forma nan futuro. Knops a bisa cu e Minister di Enseñansa di Hulanda, den e asina yama Vierlanden overleg Onderwijs a palabra cu su coleganan di Corsou, St. Maarten y Aruba pa mehora e fluho pa estudio superior na Hulanda, di forma cu e studiantenan por sigui y complete nan studio na forma exitoso. “Pa un parti mester busca e solucion na Hulanda pa medio di miho guia den enseñansa professional intermedio y halto. Pero e educacion preparatorio riba tur seis e islanan tambe mester keda mehora, sea pa nan por sigui studia na Hulanda of otro caminda,” Knops a sigui splica.

E Secretario di Estado a papia di ruta nan educativo alternativo, maner aprograma nan conhunto entre scol nan riba e islanan y na Hulanda, programanan di studio riba e islanan mes y estudionan cu ta cay den e esfera di guia profesional (manera EPI).

Den cuadro di e landspakketnan a palabra un revision integral di e sistema educativo riba e islanan autonomo den Reino cu mester presenta recomendacion pa reforma. For di e momento ey ta bay mira con y te con leu ta bay inverti den enseñansa riba e islanan Corsou, St. Maarten y Aruba.

Lo tin contesta mas specific ora cu trata e presupuesto di e Ministerio di Enseñansa di Hulanda den Tweede Kamer, Knops a finalisa.