(AP) – Pentagon su rapport mas recien tocante UFO a revela centenares di reportahe nobo di fenomeno aereo cu no tin splicacion of no a ser identifica pero no tin indicacion cu ta sugeri origen extraterrestre.
E evaluacion ta inclui centenares di caso di blaas mal identifica, parha y satelite ademas di algun cu no por ser hustifica cu splicacion facil, manera un obheto misterioso na e costa di New York.
Mientras e no ta probabel di calma ningun debate tocante e existencia di un bida extraterrestre, e rapport ta refleha interes aumenta den e topico aki y gobierno su esfuersonan pa provee algun contesta. E publicacion aki ta bini un dia despues cu legisladornan di e Cas a haci yamado pa mas transparencia gubernamental durante un audiencia unda a trata fenonemo cu no ta identifica, of UAP, cual ta gobierno su termino pa UFO.
Esfuersonan federal pa studia y identifica UAP a enfoca riba posibel menasa na e seguridad nacional of seguridad aereo y no e aspectonan di ciencia ficcion. Oficialnan na Pentagon crea den 2022 pa monitor UAP, conoci como All-Domain Anomaly Resolution Office, of AARO, a bisa cu no tin indicacion cu e casonan aki tin origen cientifico.
“E ta importante pa enfatisa cu te dia di awe, AARO no a descubri ningun evidencia di existencia di sernan extraterrestre, actividad ni tampoco tecnologia,” e autor di e rapport a skirbi.
Pentagon su evaluacion a cubri 757 caso for di rond di mundo cu a keda reporta na autoridadnan di Merca for di dia 1 di mei 2023 te na juni 1 2024. E total aki ta inclui 272 incidente cu a sosode prome cu e periodo di tempo aki pero no a keda reporta anteriormente.
