Recientemente por a tuma nota di un intercambio di carta entre Gobierno di Aruba y gremio comercial pa loke ta trata e rapport “Level Playin Field”. Den e rapport aki, cu a keda finalisa na october di 2022, un comite di tres experto ta presenta un lista di recomendacion pa loke ta trata e reforma fiscal y loke mester a bira introduccion di BTW.

A pesar di e ultimo declaracionnan di e gremio comercial, Gobierno di Aruba a indica cu nan ta keda trata e rapport “Level Playing Field” como un rapport di recomendacionnan di gremionan comercial y sindical, y lo sigui evalua e recomendacionnan cu por wordo sigui.

Den e rapport aki, e comite encarga ta enfatisa cu durante e ultimo dos añanan e pandemia di COVID-19 a haci un impacto grandi den tur dominio di e comunidad di Aruba; humanitario, profesional, comercial, labor, social etc. Hopi hende a perde nan trabao of un parti substancial di nan salario durante pandemia y consecuentemente, finanzas publico tambe a haya un golpi duro a traves di cual e debe nacional a aumenta drasticamente.

E comite ta remarca cu desde cu pandemia a cuminsa, Gobierno di Aruba ta den negociacion intenso cu Hulanda, pa yega na acuerdonan riba e maneho di finanzas publico den e proximo añanan y pa apoya financiamento pa su operacion, mientras e ta fortalece su capacidad pa resisti futuro desasternan.

Manera ta conoci deliberacionnan aki cu Hulanda a resulta den shete manual di reforma cu ta cuminsa desde un reforma fiscal amplio cu a ser recomenda anteriormente pa IMF na 2018. Departamento di Impuestro (DIMP) a redacta unilateralmente un red di cambio y/of abolicion di regulacion- y leynan fiscal, di cual e introduccion di e impuesto di benta agrega (BTW) tabata forma e punto principal.

Despues DIMP a organisa presentacionnan informativo na cual representantenan di e sector priva a ser invita y a splica e cambionan mas grandi proponi.

Hasta prome cu e pandemia di COVID-19 a cuminsa, diferente asociacion comercial empresarial y sindicato a pidi un participacion real durante e deliberacion- y discusionnan aki cu ta di interes nacional.

Opinionnan a ser expresa pa medio di carta of medionan di comunicacion, den cual tabata esencial cu Gobierno di Aruba tin e obligacion di corta den nan gastonan prome cu aumenta e carga di ingreso riba e comunidad Arubiano.

Mientras cu un propuesta por escrito di e reforma fiscal no a ser publica ni distribui, y e gremionan no tabata invita, e discusionnan a cuminsa tocante e tarfinan den e BTW y algun otro a propone cambionan, algun di cual a ser anuncia y rechasa atrobe despues di dos siman.

Consecuentemente, e sector priva y e gremionan a cuminsa tene miedo di e consecuencianan di e reforma fiscal aki pa economia di Aruba, particularmente pa motibo di e inflacion actual despues di e pandemia y e tarifa di interes creciente na Merca y Eurpa.

Ya cu nan ta e continentenan cu ta forma e mercado principal pa turismo y importacion y comunidad di Aruba ya caba a cuminsa experiencia e aumento den costo di utilidad y cuminda, e necesidad pa un discusion riba e posible impacto riba e poder di compra y oportunidadnan di negoshi a crece rapidamente.

Comercio y gremionan, considerando e falta di apoyo nacional pa legitimisa e cambionan propini, a tuma e incitaiva colectivo di establece un grupo chiktio di experto, e comite, pa proyecta e posible impacto di e cambionan proponi den e economia di Aruba y costo di bida y pa exlpora opcionnan factibel pa aumenta e ganahsi di Gobierno di Aruba y base di entrada.

Cu e pandemia ya pasando, e comite ta indica, e PIB di Aruba ta aumentando pa motibo di e recuperacion rapido di turismo. E crecemento fragil aki mester beneficia tur dominio di comunidad di Aruba: estabilidad minimimo, cuido medico, vivienda, rentabilidad di negoshi, tesoro publico y beneficio di retiro pa adultonan mayor, entre otro.

E comitte a organisa reunion- y consultanan cu representanetnan di e 17 comisiodo-, experto- y autoridadnan di asociasionnan y cu e departamentonan concerni di Gobierno di Aruba riba aspectonan legal, di estadistica y otro asuntonan di informacion. E deliberacionnan aki a ser organisa y apoya logisticamente pa e Secretariado di Camara di Comercio y a ser organisa na e edificio di Camara di comercio.

E rapport “Level Playing Field” ta consisti di 17 recomendacion. E comite a cuminsa traha riba dicho rapport den luna di augustus na e instalacionnan di e Secretariado di Camara di Comercio. Reunionnan estrictamente confidencial a tuma luga cu autoridadnan di orgnisacionnan di comercio of labor, den debatenan y intercambio di idea- y propuestanan.

E comite a reuni tambe cu miembro, expertonan di impuesto y lidernan den e gremio comercial pa asina descubri den detaye e opinion pa loke ta e politica- y leynan di impuesto specifico.

Finalmente e comite a reuni tambe cu departamento di Douanne, Impuesto, AZV y SVB.

E comite a splica cu e agenda di e reunionnan aki tabata enfoca ariba e conocemento of familiaridad di e organisacionnan tocante e propuesta di reforma fiscal di Gobierno di Aruba, nan aporte y sugerencia pa e reforma economico of fiscal, nan opinion ariba e ideanan di otro organisacionnan y e comite cu a presenta na mesa, nan opinion ariba of apoyo pa BTW y den ki forma por fit e limitacionnan administrativo di diferente negoshi.

E obhetivonan principal di e propuestanan presenta, e comite a enfatisa, ta pa tin un impacto minimo di inflacion pa mantene e tarfia di BTW preferiblemente riba e nivel di BBO awendia, pa busca fuentenan alternativo di ganashi sin e impacto local di inflacion, aumenta cumplimento, promove un tereno igual pa mehora competencia den mercado pa bienes y servicio, mantene e carga fiscal y su costo administrativo ariba tempo y maneho riba esnan cu si por soporte y proteha e competitividad internacional di Aruba den su industria principal, turismo.