Recientemente a tuma luga un ceremonia na Rancho La Ponderosa, caminda cu e propietarionan Luis ‘Lucho’ Claro y Ramón Herrera a honra cuatro fiel cliente.
E clientenan ta bishitando e rancho 15 aña, caminda cada uno a ricibi un plakkaat conmemorativo. E bishitante Kathleen Pryde a ricibi e titulo di Miho Amazona di Rancho La Ponderosa.
Como propietario di un cas den Tierra del Sol e ta bishita e rancho regularmente. Tracy Montgomery cu ta keda na Divi Phoenix; Blase Spinnozi y Stanley Livingston, ambos kedando na Marriot Vacation Club a ricibi e titulo di Distinguished Horse Person. Nan cuatro a conoce otro na e rancho y asina a bira bon amigo di otro. Rancho La Ponderosa a organisa un tremendo BBQ cual a wordo atendi tambe pa nan tour guide. E ceremonia di premiacion a wordo dirigi pa Coletta Zschuschen. Ramon a splica cu tur cuatro cu a ricibi un homenahe ta comparti amor pa cabay y specialmente pa esunnan di La Ponderosa cual nan ta bishita cada biaha cu nan ta aki na Aruba. Lucho, cu ta un di e jinete mas respeta di e isla ta informa cu e cabaynan di Paso Fino ta debolbe e amor y ta haci cu nan pasonan ta mas suave na honor di e invitadonan.
E rancho cu ta famoso pa crea relacionnan personal cu nan cliente, cu ta bay mas aleu cu e duracion di e tour di un dia, a desaroya un amistad cu e clientenan den gradicimento pa nan bishita.
