Programa pa tuma lugar 10-12 mei 2023 na Aruba
Ayera 23 maart 2023, Stichting Rainbow Warriors Core a manda un carta pa Vertegenwoordiging van Nederland op Aruba pa haya claridad tocante e participacion di asina yama Major Groups and Other Stakeholders di e seis isla den Caribe den Reino Hulandes den e First Caribben Climate and Energy Conference, anuncia door di Gobierno Hulandes, y programa pa 10-12 mei 2023 na Aruba.
A puntra alabes Vaste Commissies Tweede Kamer pa Economische Zaken en Klimaat, Koninkrijksrelaties y Buitenlandse Zaken pa dirigi e pregunta tambe pa Minister Jetten di Economische Zaken en Klimaat.
Pasobra den e comunicado di Gobierno di Hulanda riba link:
Ta pone lo siguiente:
“Tijdens de klimaattop in Sharm-el-Sheikh (COP27) heeft Nederland zich ingezet om de klimaat- en energietransitie op kleine eilandstaten, zoals die in het Caribisch deel van het Koninkrijk te versnellen. Hiertoe heeft Nederland zich aangesloten bij initiatieven zoals het Local2030 Islands Network en het SIDS Lighthouse Initiative. Met de Caribbean Climate & Energy Conference op Aruba wil het kabinet hierop voortbouwen.”
[Durante e cumbre climatico na Sharm-el-Sheikh (COP27), Hulanda a haci esfuerso pa acelera e transicion climatico y energetica riba estadonan isla chikito, manera esnan den parti Caribense di Reino. Cu e meta aki, Hulanda a uni na iniciativanan manera Local2030 Islands Network y SIDS Lighthouse Initiative. Cu e Caribbean Climate & Energy Conference na Aruba, e Gabinete kier construi riba esaki.]
Esey ta haci cu mester cumpli cu exigencianan di Nacionnan Uni pa participacion di asina yama Major Groups and Other Stakeholders (“sociedad civil”) den tanto preparacion como participacion den e conferencia.
E conferencia organisa conhuntamente dor di Hulanda y Aruba mester duna e sociedad civil di e seis islanan nan debido participacion den preparacion pa y participacion den e conferencia.
Comments are closed.