(NLTimes) – Racismo na Ministerio di Buitenlandse Zaken a ser haya na un grado asina extenso y amplio cu e ta algo “serio y preocupante” segun un estudio cu e Ministerio mes a comisiona.
E liderazgo oficial di e ministerio a pidi despensa pa no a mantene un ambiente di empleo safe na e ministerio su edificio na Den Haag y na misionnan Hulandes den exterior. Empleadonan bicultural y empleadonan di embajada contrata localmente di color di cuero scur a experiencia varios forma di racismo.
Nan a experiencia abuso verbal, tratamento derogatorio, racismo cultural y varios otro acusacion segun loke nan a conta investigadornan di Bureau Omlo. Tambe nan a bisa cu nan a sinti cu “nan tabata ser menosprecia, ignora y marginalisa. Nan ta lidia cu expectativanan abao y chistenan racista.” Varios empleado ta experiencia e problema como algo structural, segun e investigadornan.
E abogado top di ambtenaarnan Paul Huijts a pidi despensa. “E reportahe ta contene conclusionnan fuerte y ehempelnan doloroso,” el a expresa despues di a ricibi e estudio riba dialuna. “Like nos coleganan ta experiencia, loke ta ser bisa y e sentimento cu esaki ta causa, nos ta haya inaceptabel.”
E ministerio lo adopta e reportahe su recomendacionnan, incluyendo un cambio structural di e cultura. Tambe lo bira mas facil y mas simpel pa empleadonan reporta incidentenan, y e proceso di contrata empleadonan nobo tambe lo keda examina.
E investigacion a ser cuminsa parcialmente den respuesta na e manifestacionnan Black Lives Matter. E top di e ministerio tabata kier sa cua formanan di racismo ta tuma luga di manera structural den e departamento.
