(CNN) – R. Kelly a keda condena pa varios cargo di pornografia infantil durante un huicio federal na Chicago, mientras a keda absolvi di otronan.
A condena Kelly pa tres di cuatro cargo di produccion di pornografia infantil, y tres di cinco cargo di seduccion di un menor pa participa den actividad sexual criminal.
El a keda exhonera pa un cargo cada un di conspiracion pa obstrui husticia y conspiracion pa ricibi pornografia infantil, como tambe dos cargo di ricibi pornografia infantil.
Abogado di Kelly, Jennifer Bonjean a bisa cu su cliente tin un ‘sentido di alivio’ cu awo e caso ta su tras, y a sinti cu fiscalnan a exagera nan caso contra su persona. Bonjean a bisa cu e ta considerando apelacion.
“Si e hurado a conclui cu e ta culpable den e prome tres cargo, nan lo worry suficiente pa considera evidencia riba e resto? Y nan a demostra cu si. Nan a haci nan trabao. Nan a mira cada cargo separa”, Bonjean a bisa pafo di corte despues di e veredicto.
E hurado a delibera pa alrededor di 10 ora despues di scucha tres siman di testimonio, incluyendo di un muhe cu a testigua anonimamente cu Kelly a abusa di dje sexualmente y a graba e acto mientras cu e tabatin apenas 14 aña di edad.
E muhe tabata un di cinco menor di edad kende fiscalnan ta bisa Kelly a abusa den fin di añanan 1990 door di graba video explicito di cuatro di nan.
