Tur aña Quota International of Aruba ta organisa su siman di conscientisacion di cuido di oido. Durante e siman aki Auota Aruba ta brinda pueblo di Aruba e oportunidad pa haci test di oido completamente gratis.
E aña aki Quota International of Aruba su siman di conscientisacion ta tuma luga dia 18 di september pa 22 di september. Comunidad tin e oportunidad di haci nan test di oido na cuater diferente localidad e aña aki: The Specialist, FEPOH, SBV San Nicolaas y The Hearing Institute.
Pa Quota Aruba ta importante pa enfatisa e importancia di haci control di oido trempan, pasobra den hopi caso no ta detecta problemanan di oido te ora cu ta mucho laat, pero si test trempan, por detecta e problema trempan y asina por ricibi ayudo trempan pa cu esaki.
Oido ta algo sumamente importante pasobra ademas di perdida, e ta haci un impacto ariba e bida social, emocional y hasta aworaki ta detecta cu perdida di oido por causa, of ta un causante, mas lihe pa malesa di Alzheimers pa hendenan mas jong.
Pa participa den e testnan gratis di oido durante e siman di conicentisacion di cuido di oido di Quota International of Aruba mester traha cita. Pa haci esaki por yama desde awo caba te cu dia 16 di september na e diferente localidadnan y traha un cita pa test e oido.
Ta recomenda esunnan interesa pa yama y haci nan cita mas pronto posible pasobra cupo ta limita. FEPOH ya un di e institutonan cu ya a informa a traves di nan pagina di Facebook cu no tin mas luga pa test na nan localidad.
Pa mas informacion por bishita e pagina di Facebook di Quota International of Aruba.
