The Specialists i Fundacion pa Esunnan cu Problema di Oido (FEPO) conhuntamente cu Quota lo ofrece oportunidad pa haci test di oido gratis un biaha mas.
Tabata tin oportunidad pa haci test aki durante Quota su “Siman di Kibra Silencio” September 2020. E tawata un exito y tawata tin hopi persona cu no a logra haci uso di e oportunidad aki y p’esey ta ofrece e oportunidad aki un biaha mas.
E aña aki Quota no por a haci e programa di conscientisacion manera tabata e costumber pa anjos durante e temporada di carnaval y nos ta masha agradecido cu The Specialists i FEPO ta cooperando cu nos pa cu e proyecto aki pa nos por keda brinda e conscientisacion.
Nos ta keto bay pasando den un pandemia pero nos mester keda corda ariba cuido di nos oido.
Lo tin test nan gratis durante e siman di 1 maart 2021 pa 5 maart 2021 na e siguiente localidadnan,
Fundacion pa Esunnan cu Problema di Oido (FEPO)
Engelandstraat 15
Telefoon: 5831016
The Specialists Aruba ( antes Optica Oduber & Kan)
Caya Betico Croes 222
Telefoon: 2902020 whatsapp 6402020
Door di tur e protocolnan cu mester wordo tene cuenta cu nan lo no por test mes tanto persona cu ta custumbra pa test. Haci bo cita mas pronto posibel y por favor a tene na e ora di bo cita.
Un remarca: Uso di mondkapje ta pa un persona cu deficiencia auditivo nada facil. E personanan aki ta haci “liplezen” dus nan ta wak bo den cara pa comprende kico bo ta bisando nan, y awor esey no por.
Por favor si bo sa cu un porconan tin deficiencia auditivo purba di tene distancia , papia mas slow, articula claramente, hisa volumen y cu sena comunica cune.
Quota International of Aruba su mensahe den 2021
“ Cuida bo Mes, Cuida bo Oido”
