(AP)—Prome Minister di Hungria, Viktor Orbán, a reuni cu Vladimir Putin ayera den un reunion en persona, cual ta incomun pa e presidente di Rusia cu un lider di un pais den e Union Europeo.
Orbán y Putin a reuni un biaha prome na Beijing durante un forum internacional tocante un di e politicanan di presidente Chines Xi Jinping, cual ta e iniciativanan Belt y Road. E reunion e enfoca riba e acceso di Hungria di energia Ruso.
Lidernan di UE mayormente a corta contacto cu Putin tocante e invasion di Ucrania cu a cuminsa na februari. Canciyer di Austria Karl Nehammer a reuni cu Putin den persona na april 2022. Relacion bilateral entre e dos pais a sufri debi na e sancionnan imponi pa UE riba Moscu, manera el a bisa.
E posicion di Hungria riba e guera a confundi su partnernan Europeo y a resulta den un deadlock cu asistencia militar y financiero provee na Kyiv. Orbán a nenga pa duna Ucrania armanan y no a permiti nan transferencia entre e frontera di e dos pais. Tambe el a menasa pa veto e sancionnan contra Moscu, aunke ultimamente a vota den fabor di nan.
Ta parce cu e reunion entre Orbán y Putin ta un bendicion pa e presidente Ruso, ken por considera esaki como un señal cu unidad dentro di UE pa su apoyo pa Ucrania—y su condenacion di Rusia pa e guera—tabata debilitando.
Putin a bisa cu mientras e oportunidadnan pa mantene un relacion cu algun pais ta “limita den e situacion geopolitico actual, ta satisfactorio cu nos a logra preserva y desaroya relacionnan cu hopi paisnan Europeo, incluyendo Hungria.”
Budapest a blokia un pakete di ayudo militar pa Kyiv cu un balor di 500 miyon euro desde mei, y a bisa cu e lo sigui haci esaki te ora cu e ricibi concesion for di Kyiv pa loke ta trata su registro di un banco Hungaro como un sponsor internacional di e guera.
Orbán, ken ta un lider conservativo populista cu a sigui critica e sancionnan contra Rusia, a bisa cu su pais ta keda mantene e relacion cu Moscu, riba cual Hungria ta depende pa gas natural, petroleo y combustibel nuclear.
Mientras cu mayoria di Hungria su bisiñanan den Europa a haci esfuerso pa no depende riba energia Ruso, Orbán a traha pa mantene y hasta aumenta e suministro di gas y petroleo Ruso, argumentando cu nan ta esencial pa e economia di e pais.
