Na Rotterdam a pasa un caso masha peculiar, ya cu mester e saca un homber for di den awa cu 68 mil euro, tur na biyete di 50 euro. Despues di no a wak ningun otro salida di por a splica kico e ta haci cu 68 mil euro den su saco, e homber a core bula den awa cu e intencion di huy pa e polisnan.
E homber sospechoso a wordo deteni den area di Prins Hendrikkade. Despues di su detencion, polis a bay over na piki tur e placa den awa pa por seca esakinan. E sospechoso lo mester bay awo dilanti un hues pa splica over di e placa aki y tambe e motibo pa kico el a purba di huy.
Den caso cu e no por duna un bon motibo/argumento di unda e placa aki ta of ta bin, lo pasa e placa over pa caha di gobierno, segun un vocero di e cuerpo policial a splica.
