Gobernador Ricardo Rosselloa afirma diahuebs pasa cu Cas Blanco a divulga informacion “incorecto” tocante e nivel di fondonan asigna na e isla despues di horcan Maria y a lamenta e reciente debate, marca pa e denuncianan di presidente Donald Trump contra gobierno y lidernan politico di Puerto Rico.
“Ta desafortuna cu nos mester tin e debate aki cu e presidente,”Rossello a indica den un entrevista cu National Public Radio (NPR) desde Sevilla, Spaña, unda el a participa na un evento tocante turismo.
E gobernador a reaccion ariba e enfrentamento mas reciente entre Cas Blanco y su gobierno, un documento den cual oficina di Trump ta defende su respuesta riba e emergencia cu e horcan Maria a ocasiona y a referi na “un extenso historia di mal administracion y corupcion” na e isla.
Den e documento, titula “Reconstruyendo Puerto Rico di manera eficiente y responsabel”, Cas Blanco a afirma cu “Congreso no mester asigna mas fondo na e esfuerso di recuperacion di Puerto Rico.”
Cu un debate den Congreso andando encuanto un proyecto pa mitiga desastrenan natural reciente, Cas Blanco a indica cu “Puerto Rico ta na caminda pa ricibi un nivel historico di ayudo pa recuperacion di desastre, a pesar cu repetidamente nan a faya den administra nan financia di forma adecua.”
Rossello ta bisa cu mientras gobierno di Trump ta bisa cu a asigna mas di 41.000 miyon dollar na e isla y cu esaki por yega na 91.000 miyon, “hopi di e placa aki no a yega pa obranan permanente.”
“E no tin tur dato,” Rossello ta bisa di Trump, cu a tweet e siman aki cu Puerto Rico ya a ricibi $91.000 miyon di fondonan federal pa combati e consecuencianan di horcan Maria.
