(ElNuevoDia) – E di dos dia di e huicio contra empresario Salil Zaveri, acusa di mata un cacho casi dos aña pasa na un parke di golf na Rio Grande, a cuminsa diamars cu un conoci di e acusado kende a sigura cu e homber a tira e cacho tres biaha y el a sigui hunga golf te ora cu polis a yega.
E homber di origen Hindu y ken tabata compaña di su familiarnan na e Centro Judicial de Fajardo ta enfrenta cargonan pa violacionnan di Ley di Arma, Ley pa Bienestar y Proteccion di Animalnan y Riesgo di Seguridad di Orden Publico despues di a tira un arma di candela.
E huicio den man di hues Jose Marrero Peres a cuminsa dialuna, dia cu Zayeri a reuni na e recurso di un hurado.
E fiscal encarga cu e caso, Gabriel Redondo Miranda, a interoga e prome testigo identifica manera Wissam Mounayar, propietario di un compania di construccion na New York y residente na Puerto Rico desde 2020.
Mounayar tabata conoce Zaveri y ambos tabata hungando golf cu otro dos persona ora cu dia 8 di mey di 2021 e incidente e tuma luga. Ora cu nan a yega buraco 17 tabata ora cu diferente cacho a yega na e campo di golf. Mounayar a calcula cu nan tabata cuater cacho y esun cu a wordo herida tabata esun mas chikito di tur. Ademas, el a alega cu e cacho tabata djis kier hunga.
E abogado di e defensa, e licenciado Peter Diaz, ni e fiscalnan encarga di e caso, Gabriel Redondo Miranda y Lawrence Snyder, no a duna comentario ora nan a sali di e sala pasobra e hues a emiti un orden di silencio.
