Sin combustible pa genera energia, Puerto Rico mester a paga su generadornan na Aguirre (sur) y Cambalache (nort). Ta trata di dos di e centralnan clave pa genera energia di e isla. Autoridad di Energia Electrico (AEE) mester a haci esaki pasobra no tin recurso financiero pa paga e compra di combustible.
Segun gobernador di Puerto Rico, Ricardo Rosselló Nevares a informa, no sa ainda pa ki tempo e servicio lo bolbe. E anuncio a bin despues cu e mandatario a avisa e dia anterior cu e paro lo a bay tuma lugar. Despues di acumula un debe di nuebe mil miyon dollar, AEE tabata den problema serio y e decision tabata pa privatisa e compania. Pero prome cu yega na e punto ey, lo mester tin fondo pa resolve e problema urgente di e momento aki.
E unico forma pa sobrevivi e crisis aki ta haya credito di exterior. Gobierno Mericano recientemente a dicidi caba cu Puerto Rico lo no tin acceso na fondonan federal di emergencia, cu ademas no ta pa resolve e tipo di problema aki. Pa varios luna Puerto rico a pensa di por haya acceso na fondo Mericano pa paga abastecimento di combustible pero no a logra. Actualmente, na mas di cuatro luna despues di e horcan Maria, hasta e suministro di electricidad cu tabata restableci, no por funciona mas.
Ademas desde september e isla ta pa gran parti sin servicio di internet y comunicacion.
