E cantante Puertoriqueño Ricky Martin a manda un mensahe pa gobernador di Puerto Rico, Wanda Vazquez, exigiendo su renuncia pa mal maneho di e mandatario despues di e teremotonan cu a afecta e isla.
“Tin 17 dia a pasa despues cu e tragedia a toca Puerto Rico y desde e momento ey tin mucha, homber, muher bibando riba caya sin un dak, sin stabilidad pasobra nada no ta avansa. Nada ta bira concreto,”e artista a bisa den un video cu el a publica riba Instagram.
E artista tabata mustra indigna pasobra e gobernador a convoca medionan di prensa na e areanan afecta pero a pidi pa no hacie ningun pregunta.
“Con bo ta kere cu nos ta bay reacciona?” Ricky Martin a puntra, exigiendo transparencia y respuesta na e preguntanan cu personanan manera e ta haci.
E ta recorda e politico cu na november di e aña aki lo tin eleccion na e teritorio aki y e ta confia cu pueblo lo no duna nan voto na Wanda Vazquez, pa su actitud despues di e sucesonan. El a bisa cu lo ta un “acto di husticia” loke por sucede cu futuro di e politico Puertoriqueño.
Ricky Martin a uni su mes na un protesta nobo contra gobierno cu a surgi despues di e hallazgo di e donacionnan ricibi despues di horcan Maria, cu nunca a reparti.
E alimentonan, parti di nan venci caba, a ser haya den un bodega na Ponce, na sur di Puerto Rico, meymey di e tragedia nobo cu ta sacudi e pais despues di e ola di sismo cu a causa bastante daño. Diasabra pasa ainda a registra un teremoto di 5.0 den mesun region di sur di e isla, sin cu a reporta daño mayor.
