Trinticuatro persona ta den algun di e refugionan cu Gobierno di Puerto Rico a habilita pa e paso di e tormenta tropical Karen, cu por pasa entre sur, pasa den centro y lo sali na nort, cerca di San Juan.
Asina a informa ayera e secretario di Siguridad di e isla, Elmer Román; e comisionado di Negociacion pa Maneho di Emergencia y Administracion di Desaster (NMEAD), Carlos Acevedo; y e metereologo di Servicio Nacional di Metereologia, Ernesto Morales.
Cuatro di e 34 refugio ta habilita pa personanan cu necesidad medico.
E lesnan a keda suspendi y agencianan di Gobierno ta cera tambe. Roman a detaya cu na e momentonan aki ta desconoci si lo reanuda e lesnan.
Sinembargo, algun di e centronan comercial principal lo habri.
Gobernador di isla, Wanda Vázquez, ta den instalacion di NMEAD pa sigui di cerca e preparacion pa e paso di e tormenta y ta mantene e constante contacto cu e alcalde.
Roman a indica cu aeropuertonan lo opera cu normalidad, menos esun chikito desde na unda ta realisa vuelo pa islanan bisiña, tambe afecta pa Karen.
Sinembargo, el a adverti cu e situacion lo por cambia pa loke a recomenda pa e biaheronan pone den contacto cu e aerolinea.
Morales a splica cu ta espera yobidanan di entre tres (7,6 centimetro) y cuatro pulgada (10 centimetro) y den algun zona te ocho pulgada (20 centimetro).
