Puerto Rico ta enfrentando un crisis grandi na momentonan aki despues di horcan Maria,
cu a desconecta awa, coriente y servicionan di comunicacion. E populacion completo ta sin coriente ainda na momentonan aki. Ingenieronan ta bisa cu lo por tarda basta luna pa restauracion completo. Un dam tambe ta den peliger di cay den otro. Cargamento di cuminda, awa y generators a cuminsa yega e port principal na San Juan, cual a caba di habri bek.
13 persona a keda reporta morto despues di e pasada di horcan Maria riba Puerto Rico.
E tormenta, cual awo ta den direccion di e oceano habri parti west Atlantico, a causa inundacionnan severo y daño structural. El a causa daño grandi riba e isla incluyendo conexionnan di telefon. Federal Emergency Management Agency (FEMA) ta aportando tambe cu diferente tipo di ayudo na e isla. Tin basta tronco di mata cu ta blokiando careteranan principal, barionan completamente inunda y varios hende sin cas, of casnan sin dak.
