(ElNuevoDia) – E pre candidato pa Senado pa acumulacion di e Partido Popular Democratico (PPD), Carlos Diaz Sanchez, a denuncia presunto violacionnan ambiental di parti di e empresa Silver Beach L.L.C., cu segun e registro di corporacionnan di e Departamento di Estado, ta pertenece na Anthony Pierlusi, yiu di e gobernador Pedro Pierluisi.

Diaz Sanchez a mustra cu bao e corporacion en cuestion tin dos propiedad cu ta ubica riba e Bahia de Guanica, den e zona maritimo terestre, cu a impacta recursonan natural sensible manera e mangel cora. El a sostene cu ta trata di violacionnan similar na esunnan di Bahia de Jobos na Salinas, y condominium Sol y Playa, na Rincon.

Ambos propiedad ta ser promove ariba e website di vacation rentals Airbnb cu e titulo “Tu casa ta Mary Lee’s by the Sea,” pa un costo cu ta varia entre 950 y 1800 dollar pa anochi, dependiendo di e temporada. Segun e aspirante pa Senado a trece pa dilanti, mustrando e imagennan cu cual nan ta promove e luga, e espacio ta ofrece acceso directo na lama Caribe a traves di wafnan cu ta atravesa e mangelnan cora.

Pidiendo pa e secretario di e Departamento di Recurso Natural y Ambiental (DRNA), e licenciada Anais Rodriguez, expresa su mes y actua den e caso aki cu e mesun agilidad y determinacion manera den e casonan di Rincon, Salinas, La Parguera, entre otro, y cu e no tin un trato diferente door cu ta trata di un asunto di su hefe,” e ex senador di e Partido Nuevo Progresista a subraya,

Diaz Sanchez a indica cu, ademas di DRNA, e ta bay denuncia e asunto aki na e Departamento di Husticia y e Servicio di Pesca y Bida Silvestre di Merca.

Den e potretnan cu el a mustra, por aprecia e instalacionnan construi den e zona maritimo terestre, e candidato di PPD a denuncia, y e zonificacion di e area ta clasifica RT-I (Residencial Turistico Intermedio), loke no ta contempla, segun e Hunta di Planificacion, actividad di huur pa corto plazo manera ta ser promove riba Airbnb. Ademas, el a indica cu e proyecto tin e Permiso Solicitud di Recomendacion di Infrastructura cu e Oficina di Gerencia di Permisonan (OGPe), venci for di 17 di mei di 2023.

“Ey bo por wak cu e mangel cora a wordo impacta. Mi ta sigura bo cu e mangel ey no tabatin e acceso ey y e mangel ey ta protegi pa e gobierno di Merca,” el a sentencia.

Ademas el a exhibi imagennan, numbernan di kadaster, reglamento- y mapanan oficial di e agencianan concerni, na mesun momento cu el a compara e impacto ambiental, cu e Bahia de Jobos a soporta y e rif na Salinas, como tambe na e condominio Sol y Playa di Rincon, entre otro.

“Cu e caso ta keda cla cu Pedro Pierluisi y su gobierno ta haci cosnan sucede pa solamente un par di hende, esnan cerca di nan,” Diaz Sanchez a manifesta. “Aki boso tin e caso perfecto pa demostra su accion of inaccion, pasobra e tin su propio yiu den violacion di e leynan ambiental estatal y federal,” el a puntualisa.