(ElNuevoDia) – E Coalicion pa Salud Mental, recientemente crea y cu ta consisti di entidadnan profesional, di academia y e grupo civico Somos Mas, a exigi diamars ultimo cu pa evalua y finalisa e servicionan di salud mental disponible na Puerto Rico, mester bira disponibel ariba un plazo cortico e rapportnan rekeri na e companianan subcontrata pa e Administracion di Seguro di Salud (ASES).

Manera otro di su propuestanan inmediato pa atende e crisis di salud mental na e isla, e Coalicion a pidi e Departamento di Salud pa respalda e grupo y reconoce como un organisacion legitimo.

“E Coalicion aki a nace pasobra nos, como proveedornan di salud y di salud mental, tin e obligacion di proteha, prome cu tur cos, e derechonan y e bienestar di e poblacion cu nos ta atende: e poblacion Portoriqueño cu ta biba un crisis di salud mental sin precedente,” e director ehecutivo di Somos Mas, Johnny Rullan Schmidt a afirma, despues cu el afirma cu e rapportnan den man di ASES mester bira accesibel na e publico pa garantisa e transparencia y rindimento di cuenta.

Mientras, e presidente di e Colegio de Medicos Cirujanos, Carlos Diaz Velez, a mustra confia den cu e secretario di Salud, Carlos Mellado, “ta bay apoya nos pasobra e ta un gran compañero y dokter cu ta consciente di e crisis di salud mental cu nos tin; tambe, na e gobernador Pedro Pierluisi y esnan di e siguiente gobierno cu bin, nan mester tin cla cu nan mester apoya e Coalicion aki.”

Den un conferencia di prensa Rullan Schmidt a expone cu un den cada cuater adulto Portoriqueño ta sufri di un trastorno di salud mental. El a cataloga e cifra manera conservador, ya cu e ta coresponde na e ultimo estudio comprensivo realisa na 2016 pa e Recinto de Ciencias Medicas (RCM) di e Universidad di Puerto Rico (UPR).

El a menciona manera contexto cu eventonan manera horcan Irma y Maria, e teremotonan di 2020 y e pandemia di COVID-19 a empeora e salud mental na e isla, te na e punto cu yamadanan di intervencion di crisis di e Liña PAS a aumenta un 600% desde 2019.

Rullan Schmidt a comunica cu e mision di e Coalicion ta provee politica publico, fiscalisa e servicionan, ofrece educacion preventivo y genera rapportnan periodico cu ta mustra e crisis y ta presenta recomendacionnan ariba con pa atende cune.

Den e liña aki, e asesor den salud publico di Somos Mas, Fabiola Cruz Lopez, a comenta cu nan ta desaroyando un proyecto cu ta promove e centralisacion di data pa proyecta e informacion tocante e necesidad, tendencia y servicionan di salud mental na e pais. E propuesta aki, den un plaso largo, ta busca desaroya un planificacion efectivo y actualisa.

Otro propuesta di e Coalicion, pa futuro, ta busca e retencion di mas psikiatranan mediante e establecimento di un resolucion conhunto, den e Senado, cu ta permiti e revision di asignacionnan di fondo pa crea dos plaza nobo di residencia di e disciplina aki na e RCM.