Ayera gobernador Wanda Vázquez a anuncia cu awe no tin les na sistema publico y Universidad di Puerto Rico, ni actividadnan den agencia estatal, debi na e paso di e tormenta Karen den e region.
Den un conferencia di prensa, Vázquez a bisa cu e poblacion lo mester ta trankilo pero prepara pa e paso di e sistema, cu ta espera cu laga riba Puerto Rico yobidanan fuerte cu riesgo di inundacion.
E gobernador a indica cu desde 6or local lo habri e refugionan cu e alcalde di e municipionan ta calcula cu mester pone na disposicion di ciudadanonan.
Segun e boletin ultimo di Centro Nacional di Horcan (NHC) di Merca, Karen ta avansa den e Caribe via Puerto Rico, unda ta espera cu awe diamars lo haci impacto den ultimo oranan of diaranson, cu biento maximo di 40 miya pa ora.
E ciclon lo mantene su actual forsa ora e afecta e isla Caribeño directamente, ya cu ta bou alerta di un tormenta tropical, mesun caso cu na Antigua y Barbuda y islanan Virgen, tanto Mericano como Britanico.
Director di Servicio Nacional di Meteorologia na San Juan, Roberto Garcia, a sigura cu e potencial di inundacion ta hopi halto pa via di e paso di Karen den e islanan.
Garcia a indica cu e yobidanan lo extende pa un periodo entre 24 pa 36 ora, cu lo laga yobidanan na sur oriente, sur y Sierra di Cayey, den interior.
