29 DT Pedofiel (1).JPG

Tur dia por mira cu mas muraya ta keda susha cu graffiti y tur dia ta otro caminda. E persona responsabel pa e graffitinan aki no ta importa si ta cura di cas di hende of di misa, of edificio publico.

E malhechor no ta tene cuenta cu e ta trece trabou y gasto pa otro hende cu no tin nada di haci cu e problema ey. Esaki sin mas ta trece mas gasto pa pueblo en bes di ta pasa rond haci e graffitinan aki e meneer aki no por busca otro cos miho pa haci. Esey ta e reaccion cu Bon Dia Aruba ta bin ta ricibi.

E reaccionnan ta sigui y ta bisa: Dicon e no ta verf rond di su cas cu su lema asina no tin mester di pasa verf e muraya tur dia. Imagina bo cu hasta muraya di misa ta bira victima di e payaso aki. A bira tempo pa pone un stop na e vandalismo aki, of e meneer aki por haya su persona den problema serio. Imagina si un dia mester yega cu doño di cas topa cun’e ta haci graffiti. E ora si lo e kier pa polis defende pero e ta costando pueblo placa y ta falta respet pa propiedad di otro.

Na final e reaccion ta finalisa cu :

Ban bira consciente meneer ken cu bo por ta si bo tin un problema laga pa husticia soluciona esey y stop di ta daña propiedad di otro y alabes ta pone un mal bista pa nos turistanan cu ta bishita nos isla. Por fabor ban cuminsa respeta propiedad di otro.