E palabra ‘transparencia’ a bira habitual recientemente, ora ta papia di good governance y bon practica den negoshi y maneho. Sinembargo, masha poco por nota berdadero transparencia, unda en berdad ta duna un bista cla riba aspectonan financiero di un compania.
Siman pasa, Caribbean Mercantile Bank a publica su cuentanan anual den medionan di comunicacion local. E cuentanan anual ta duna un bista di e maneho financiero, sin sconde detaye, di e banco en cuestion. Esaki ta un berdadero muestra di transparencia y ta algo di elogia.
Transparencia ta yuda crea confiansa entre e organisacion y su clientenan, como tambe cu comunidad en general. Transparencia ademas t ta permiti pa otronan por tin un bista y controla e maneho di e organisacion. Asina tambe ta promove y fomenta un sentido di responsabilidad y confiansa den e organisacion.
