(Children’sHealth) – Inicio di un aña escolar nobo por ta emocionante pero tambe por laga e muchanan sinti ansha, specialmente si aña pasa tabata un dificil of si nan ta cuminsando un scol nobo. Mientras algun tip di back-to-school ta bon conoci (manera drumi suficiente y come un desayuno saludable) tin otro formanan pa prepara.

Nicholas J. Westers, Psy.D., ABPP, un psicologo clinico na Children’s Health y profesor asocia na UT Southwestern ta comparti cinco manera pa yuda bo yiu cuminsa e aña escolar di bon manera.

1. Un perspectiva nobo
Muchanan por cambia hopi durante vakantie. Maske e vakantie ta apenas algun siman largo, hopi por pasa durante e tempo ey (experiencianan nobo, amigonan nobo, of crecemento). Mientras bolbe scol por ta un tentacion pa muchanan actua mesun manera cu antes, nan por haci un esfuerso pa asumi un actitud nobo.
Por ehempel:
Si nan tabata trata otro malo, nan por haci esfuerso pa comporta nan mes mas amigable.
Si nan tabata keha, nan por cuminsa busca loke ta bon den hende y situacionnan.
Si nan a tuma mal decision aña pasa, un aña escolar nobo ta un oportunidad pa miho decisionnan.

Curasha bo yiu cu awo ta e momento pa cuminsa habitonan nobo y ta intencional pa cu su comportamento.

2. Curasha muchanan pa ta nan mes na scol
Curasha bo yiu pa identifica nan balornan, y pa cumpli cu nan – manera trata otro nan bon, traha duro na scol, y evita alcohol y droga. No tur hende ta bay gusta nan, y esey ta okay. Nan no meste purba di impresiona amigo y compañeronan di klas, specialmente si esey ta viola nan propio balornan.
Splica bo yiu cu ora nan cumpli cu nan balornan, otronan usualmente ta respeta esey, hasta si nan no ta mustr’e.

3. Siña bo yiu e balor di amistadnan significativo
E prome simannan back na scol por parce un tiki caotico socialmente, cu tur hende purbando di haya nan lugar den e ‘trapi social di popularidad’. Sinembargo, tin apenas un par di amigo cercano por ta hopi mas importante y enrikecedor cu tin un cantidad grandi di amigo superficial.

4. Identifica e fortalesanan di bo yiu na scol

Cuminsa e aña escolar nobo cu e meta di haya bon punto ta admirable y sigur importante, pues curasha bo yiu pa bay p’e. Pero traha duro na scol, y siña con pa recupera di retonan por ta mesun importante pa logra metanan. Si bo yiu ta sinti yen di stress pa su lesnan, programa un tempo ocasional di 10 pa 15 minuut di preocupacion pa permiti nan pa ta ansioso. Despues curasha nan pa ‘move on’ pa esaki no controla e resto di nan siman ni impacta nan puntonan negativamente.

Si despues di haci nan best, bo yiu no ta haya 9 cu 10, identifica kico mas nan ta bon den dje, y hacie. Un studiante cu puntonan mas abao cu ademas ta haci trabao boluntario den comunidad ta mustra bon balansa, por ehemplo.

5. Duna bo yiu sosten emocional
Esaki por zona cliché, of por ta sorprendente, pero hopi di e muchanan mas exitoso y emocionalmente saludable na scol sa cu nan mayornan por ta nan miho aliado. Bo por pensa cu esey ta obvio, pero laga bo yiu sa cu nan por conta bo tur cos. Curasha nan pa comparti un cos bon cu a pasa na scol cada dia. Yuda nan ta exitoso door di continua como nan cheerleader di mas grandi.