(NLTimes)—E prueba pa test e legalisacion di cultivacion di cannabis lo cuminsa porfin dia 15 di december despues di varios aña den preparacion y retraso. Coffeeshopnan lo ser suministra cu cannabis for di cultivadonan legal den e prueba, cual a ser posponi varios biaha caba.
E fase di comienso lo cuminsa den tres luna, segun e Gabinete a confirma ayera. Detayenan a ser entrega den un carta pa Parlamento skirbi pa dos miembro di Gabinete saliente, esta Minister di Husticia Dilan Yeşilgöz y Minister di Salud Ernst Kuipers.
Actualmente coffeeshopnan ta permiti pa bende cannabis, pero nan no ta permiti pa cumpra esaki. E test di cannabis lo examina di cumpramento tambe por ser legalisa. E experimento ta cuminsa cu dos cultivadonan cu permiso ken lo suministra na coffeeshopnan na Breda y Tilburg.
E experencia for di e fase di comienso aki por ser uza pa haci notificacionnan durante e fase di transicion, e momento ora e otro ocho municipionan participante tambe cuminsa tuma parti den e experimento. E ciudadnan ta inclui Arnhem, Almere, Groningen, Heerlen, Voorne aan Zee, Maastricht, Nijmegen y Zaanstad.
E districto di Amsterdam-Oost den e capital a presenta su mes como un participante adicional, pero ainda no a duna un contesta definitivo si e districtonan den parti oost por participa mes.
E comienso di e fase di transicion no a ser determina, debi na e falta di ciertud cu e planificacion for di e cultivadonan envolvi. Segun e ministernan, esaki lo ser lansa no mas pronto cu e fin di e prome kwartaal di 2024. Den ambos e fase di comienso y di transicion, coffeeshopnan por bende tambe cannabis ilegal, pero tolera, ademas di cannabis cultiva legalmente. E fase final di e experimento aki lo cuminsa despues di e fase di transicion cu lo dura seis siman, segun e ministernan a bisa. For di e punto ey, coffeeshopnan den municipionan participante por solamente bende cannabis regula.
Segun e ministernan, pa organisa e experimento tabata mas compleho cu nan a espera, pasobra un bes cu e cultivadonan a ser apunta, no mester tin un cuenta di banco y un permiso di cultivacion. Ademas, e doñonan di coffeeshopnan kier ta sigur di suficiente deposito y continuidad di negoshi. “Hustamente tambe,” segun Kuipers, afirmando cu e situacion no ta un den cual un hende ta “djis crece algun planta, y cultiva nan un bes y despues ta cla.”
E experimento mester mustra kico cultivacion y distribucion legal ta haci pa loke ta trata seguridad publico y e calidad di e cannabis. “Un bentaha grandi,” segun Kuipers, ta cu e cannabis por controla pa “contaminacion cu pesticida of otro asunto.”
