(NLTimes)—E prome proyecto pa warda CO2 bao di e Lama Norte ta costa casi tres biaha mas cu e presupuesto. E proyecto Porthos a ser lansa na 2018 cu un prijs calcula na 400 pa 500 miyon euro. E costonanan a subi pa 1.3 biyon euro, NRC ta reporta despues di papia cu esnan envolvi. E proyecto tambe a ser retrasa debi na procedementonan legal.
Porthos ta un di e prome proyectonan pa wardamento di e gas di efecto invernadero CO2 den veldnan di gas bashi bao di e suela di lama, esta e Lama Norte den e caso aki. Proponentenan ta mira e wardamento di CO2 como un manera importante pa reduci e emisionnan di e gas aki y asina combati cambio di clima peligroso. Pero tambe tin duda si e acercamento ta tecnicamente y financieramento realistico riba un scala grandi. P’esey Porthos ta ser monitoria cu gran interes internacional.
Segun e operadornan—Gasunie, Waf di Rotterdam y EBN—e aumento den costo ta mayormente debi na e aumento skerpi den inflacion, cual a haci materialnan mas caro. E crisis di energia global tambe a hunga un rol. Debi na e inseguridad riba energia den 2022, tabatin un pura riba componentenan manera tubo cu cual paisnan a purba sigura nan suministro di energia, haciendo esakinan mas caro of mas dificil pa haya.
E retraso di e proyecto ta mayormente debi na procedementonan legal entrega pa Mobilization for the Environment (MOB). E organisacion ambiental ta kere cu demasiado nitrogeno a ser emiti durante e construccion, cual ta pone e naturalesa den peligro. Raad van State e declara den augustus cu e no tin fondo pa e preocupacionnan ey, pero el a causa un retraso di varios luna. E retraso a sigui aumenta e costonan, segun e operadornan a bisa. Hopi material y producto a bira mas caro mientras nan a warda pa claridad legal prome cu bestel.
Potret cortesia di Porthos.
