The computer screen of Santiago Barros shows old photographs of couple Maria Eugenia Gonzalez and Nestor Oscar Junquera, who disappeared during the 1976-1983 dictatorship, above AI-generated images, using an app called Midjourney, of what their stolen son might look like today, in Buenos Aires, Argentina, Thursday, Aug. 2, 2023. Barros using artificial intelligence to create images of what the children of parents who disappeared during the dictatorship might look like as adults and uploads them to an Instagram account called iabuelas, which is a portmanteau in Spanish for artificial intelligence, or IA, and grandmother, or abuela — taken from the well-known activist group Grandmothers of Plaza de Mayo, who search for missing children. (AP Photo/Natacha Pisarenko)

(AP) – Si un baby a ser kita for di su mayornan 4 decada atras durante Argentina su dictadura militar, con e persona ey lo mustra awe?

Publicista Argentino Santiago Barros tin tempo ta purba contesta e pregunta aki usando inteligencia artificial (AI) pa crea imagen di con e muchanan aki lo mustra como adulto. Casi tur dia, Barros ta publica e imagennan aki riba un cuenta di Instagram yama iabuelas, cual ta un combinacion di e palabra IA y abuela, tuma for di e grupo conoci Abuelas de Plaza de Mayo, cual ta un grupo cu ta busca muchanan disparci.

“Nos a mira e potretnan di mayoria di esunnan cu a disparce, sinembargo nos no tin potret di nan yiu nan ni tampoco di e yiunan cu a ser horta,” Barros a conta The Associated Press. “Esaki a impacta mi, e hecho cu e hendenan aki no tin un cara.” Durante Argentina su dictaduria sangreinto di 1976 te aña 1983, oficialnan militar a ehecuta e robo sistematico di babynan. E babynan aki hopi biaha tabata ser cria pa e famianan relaciona cu e dictadura, of esunnan kende su ideologia ta alinea cu esaki.

Pa medio di usa un aplicacion yama Midjounrey, Barros ta combina potret di e mayornan cu a disparce for di e archivo publico di e website di Abuelas, creando imagennan di e posibel cara di e muchanan aki como adulto awe. Pa cada combinacion, e aplicacion ta mustra dos posibilidad femenino y dos posibilidad masculino. Despues Barros ta scoge e imagen di cada genero cu ta mustra mas realistico.

E proyecto aki no tin e meta di reemplasa e esfuersonan di e grupo cu ta identifica e muchanan via test di DNA. Na luga di esaki, Barros ta splica cu su meta ta di conscientisa e personanan cu tin mas di 46 aña di edad cu posiblemente tin duda tocante nan origen y pa sirbi como un recordatorio di e mas di 4 decada cu e grupo tin ta dedica na localisa e muchanan aki.

Abuelas de Plaza de Mayo ta calcula cu mas o menos 500 muchanan a ser kita for di nan mayornan durante e dictadura. E grupo a localisa 133 nietonan via e analisis genetico.

E grupo ta aprecia Barros su iniciativa como un manera pa conscientisa pueblo tocante e muchanan cu a ser horta of secuestra durante e dictadura. Pero tambe ta adverti cu e unico herment cu no tin fayo pa relaciona e personanan aki cu nan familiar y nan origen ta via test di DNA cu ta sigui keda ehecuta pa e banco di dato genetico nacional.

Ademas di traha cu potret di e archivo di e grupo aki, Barros tambe ta haci uso di e material fotografico cu e partidonan interesa provee.

Den algun caso, e personanan cu tin acceso na iabuelas a ripara cu e imagennan tin e tendencia di ta basa riba un standard, cual ta trece dilanti preguntanan tocante con cerca esaki ta di realidad. Sinembargo den otro casonan, e familiarnan buscando famia perdi a keda impacta pa con similar nan ta na e famianan.

Desde cu Barros su iniciativa a lansa, te ainda no tin caso unda un adulto a mira su mes den un di e imagennan aki y a cuminsa un proceso formal di identificacion. Tur e imagennan di e mayornan cu a disparce y nan posibel yiu ta keda publica riba e cuenta di Instagram cu un nota unda ta specifica cu iabuelas ta un “pryecto artistico cu no ta oficial” y cu e resultadonan genera pa e inteligencia artificial posiblemente no ta realistico.