Asina a duna di conoce Marllory Medina, presidente di Fundacion Venezolanos Unidos en Aruba, e cual tambe a informa cu un grupo di persona cu paspoort Hulandes y otro cu tin residencia permanente na Aruba lo bin for di Venezuela e mesun dia.
Medina a señala cu e vuelonan aki ta bou maneho di DIMAS. Na e momentonan aki ta organisando e di dos vuelo na unda personanan di nacionalidad Venezolano lo bolbe nan pais despues cu algun di nan a wordo deporta, otro ta bay di manera boluntario y otro grupo a keda pega na Aruba debi na e ceramento di frontera pa via di pandemia Covid-19.
El a bisa cu esaki ta un logro importante pa e fundacion pa motibo cu el a sigura cu “nos ta e prome colonia cu ta yuda e Venezolanonan cu kier sali for di Aruba pa bay Venezuela boluntariamente, y pa nos ta hopi importante duna ehemplo pa asina e personanan cu no por keda na Aruba pa un of otro motibo sali y bay back na Venezuela”.
Den mesun linea, a confirma cu e pasaheronan a haci nan prueba PCR di Covid-19 cu ta un di e rekisitonan y cu lo mester presenta na momento di biaha, cu resultado negativo, mas e pago di su pasashi y impuesto di salida di e isla.
E di dos vuelo aki lo tuma diaranson pa 9or y mey di mainta na Aeropuerto Internacional Reina Beatrix, na unda tambe lo ricibi pasaheronan cu paspoort Hulandes y residentenan di Aruba cu un acto chikito di Bonbini, cumpliendo cu protocol di bioseguridad.
Potret di archivo.
