Hende cu a bay protesta a yena parke publico y varios districto pa un welga general pa trece mas atencion na nan demanda, incluyendo e retiro di liderazgo di e teritorio semi autonomo apunta pa Beijing.
Na compleho legislativo, otro protesta a cuminsa cu pintamento di banner y heki di edificio na e banda exterior unda cu a skirbi ‘revolucion di nos tempo’. Polis a defende nan mes cu gas lagrimogeno ora cu protestante a tuma caminda pafo di oficina principal di gobierno.
E welga general a pone cu nan a cancela mas di 200 vuelo na aeropuerto y e protesta a stroba e servicio di trein durante ora di mainta. Sinembargo lider Carrie Lam a mantene cu e no tin plan pa retira na e cara di e movemento pro-democracia.
E welga ta bira e ultimo demostracion cu a cuminsa for di juni, contra un propuesta di extradicion legislativo cu lo a duna permiso na algun sospechoso criminal pa ser manda na tera firme di China pa tene huicio.
Un ex colonia Britanico, Hong Kong a ser debolbi na China na aña 1997 bou di tratado di ‘un pais dos sistema’ unda cu a promete cu e ciudad lo tin libertad di democracia no conecta cu tera firme, pero algun residente di Hong Kong ta sinti cu Beijing kier invadi cu nan libertad.
Vocero di polis, Yolanda Yu Hoi-kwan, a bisa cu autoridadnan a detene 420 persona a participa cu e protesta for di 9 di juni, un marcha masivo cu a trece mas di 1 miyon persona den e movecion. Mayoria den edad di 14 pa 76, nan tin cargo di disturbio, asamblea ilegal, posesion di arma y mas.
El a bisa tambe cu violencia a intensifica cu manifestante cu ta uza bom di gasolin y candela. “Nos ta stima Hong Kong y ta spera di reestablece orden publico. Si nos sigui tolera nan conducta ilegal, lo tin consecuencia indeseabel pa nos ciudadanonan”, Yu a bisa.
