Conflictonan violento a sosode riba diahuebs y diabierna anochi durante e conferencia di G20 cual a wordo atendi pa Presidentenan Trump, Putin, Xi, Erdogan y lidernan di e 20 podernan economico na mundo.
Algun localnan den e area afecta a describi cu e escena tabata “un guera total” y cu “si no lo ta pa e gruponan extremista manera e Black Bloc, e situacion no lo a escala na e punto aki.”
Trahadonan di supermercado a wordo asalta y varios supermercado a wordo plama, mientras cu polis a tarda pa responde. E bentananan di supermercadonan a wordo kibra y hendenan a bay cu mercancia. Segun polis di Hamburg, durante e protesta piedra a wordo tira pa polisnan, ‘molotov cocktails’ a wordo uza y a sende varios vehiculo na candela. 76 polisnan a wordo herida durante e protestanan. Polis a calcula cu un 100,000 hende a atende e protesta, y segun nan di locual 8,000 di nan lo a contribui na e violencia.
Rason pa protesta
E protesta a wordo nombra “Welcome to Hell” y e organisadornan ta describi nan mes como “un alianza autonomo y anti capitalista contra e G20 summit na Hamburg.” Parti di e grupo di organisadonan pa e protesta, Andreas Blechschmidt ta expresa cu “nos tin un mensahe di kier combati e polisanan mundial di e G20, cual ta responsabel pa condicionnan manera guera, hamber y cambio climatico.”
