Cu un cacerolaso nacional convoca ayera diamars, e protestanan cu tabata protagonista durante ultimo dos luna di aña pasa tempo cu e Welga Nacional a cuminsa contra e reforma economico, laboral y di pension contra gobierno di Ivan Duque, y cu ademas a converti den un forma di manifestacion contra violencia, ta sigui escala cu e fayecimento constante di lidernan social.
E ultimo rason, e asesinato di lidernan social, cu na 2020 tin mas victima cu dia, ta e motibo di e jornada di ayera, cu ta inaugura e actividadnan di e welga di e aña aki.
A haci e convocatorio pa e plasanan principal di e pais, unda e Colombianonan a manifesta cu cacerola, un elemento cu a bira simbolo di e protesta despues di e prome y exitoso jornada convoca pa dia 21 di november ultimo cu a termina cu enfrentamento entre grupo di manifestante y forsa publico, na Bogota principalmente, unda a presenta e manifestacion mas comun.
E asesinato di Dilan Cruz na man di un agente di Escuadron Movil Antidisturbio (ESMAD) cu a tira na su cabes, a aumenta ainda mas e manifestacion cu a mantene te fin di december.
Cu e jornada nobo aki, nan ta busca reanuda e spirito cu tabata disminui den ultimo manifestacion di aña pasa y sigui presiona e gobierno di Duque pa cumpli cu mas di 100 peticion di e promotornan di e welga, e cual ta desea elimina e reforma ya menciona caba of restructura ESMAD. Tambe pa cumpli cu acuerdonan haci pa studiantenan y educacion publico, implementa e acuerdo di paz y aplica un serie di reforma social pa mehora e calidad di bida di e personanan.
