Migrantenan protestando a enfrenta polis na nort di Grecia pa di dos dia ayera, mientras migrantenan na Athens tambe a blokia e stacion di trein principal, den demostracionnan cu autoridadnan a bisa a wordo lansa pa reportenan falso riba rednan social, bisando cu a lanta restriccionnan di biahe pa e pais nort Europeo.
El enfrenetamento a tuma luga pafo di e campo di migrante. Polis a uza gas di lagrima y granada pa asina aleha centenares di manifestante. Hashem Mojadam, un Iraki di 36 aña di edad buscando asilo, a pasa anochi den un veld pafo di e campo di refugio, y a bisa cu ta spera pa compaña otro migrante pa bay na e frontera. “Tur hende ta tenso y ningun a drumi, nos ta spera di sali pa bay otro pais, pa motibo cu aki no tin nada pa nos, y mester siguridad”, el a bisa.
Minister di migracion Dimitris Vitsas a haci un suplica pa migrantenan bay bek na e campamento, oficialmente conoci como ‘centro di hospitalidad’.
“Tabatin un reporte falso ta wordo distribui, cu e frontera lo wordo habri. Nos a informa e centronan di hospitalidad cu esey no ta e caso”, Vitsas a bisa e television estatal, ERT. “Mi ta manda un suplica awo pa e hende aki… cu nan mester bolbe e centronan. Como refugiado y como hende nan tin derecho, pero nan tambe tin obligacion di respeta y tene nan mes na e leynan di e pais cu ta dunando nan hospitalidad.”
“I am issuing a plea right now to these people … that they should return to the centers. As refugees and as people they have rights but they also an obligation to respect and abide by the laws of the country that is providing them hospitality.”
Na Athens, polis a bisa cu como 300 persona cu a protesta a bay diabierna na Larissis stacion cerca di central di Atenas, cu mayoria tabata sinta riba caminda di trein.
