Mas o menos 5 ciudadano a manifesta awe mainta contra e kap di mangelnan pa cu construccion di e brug nobo na Spaans Lagoen. Cu textonan demostrativo manera ‘Bulldoze mangrove no ta green’ nan protesta ta contra e proyecto Green Corridor. Pero tambe nan kier pone atencion riba e echo cu Aruba ainda falta di ley pa proteha medio ambiente. “Parlamento ta pasa yen di ley kens, pero e ley pa protecion di nos medio ambiente mes nada”, asina Maureen Laaf Ras a expresa riba su Facebook. E tambe a haci un otro yamada pa ciudadano join e protesta, cu lo sigui mayan.
