Protesta chauffeurnan di truck ta termina

Dialuna mainta e caminda dilanti Bestuur Kantoor tabata  completamente blokia pa trucknan di diferente compania como parti di mal contento cu ta reina den e chauffeurnan pa e cambionan proponi riba impuesto di nummer plaat. E manifestacion a termina despues di entrega e manifiesto na Minister Angel Bermudez.

E grupo cu ta referi nan mes manera comerciantenan chikito ta splica cu e ta inhusto pa obliganan paga ‘volle pond’ mientras cu gobierno no ta cumpli cu su banda, referiendo na camindanan kibra na Barcadera. E grupo ta sigi bisa cu pa nan e no lo tabata un problema si no mester a gasta tanto placa pa cumpra piesa y drecha nan vehiculonan door di e deteriorio riba caretera. Pa diahuebs awor ta spera un contesta di parti gobierno y si no tende nada, lo tuma pasonan mas pisa pa loke ta e accion. E minister encarga a expresa cu e no tin problema pa flexibilisa e cambionan aki pero lo mester confirma cu Departamento di Impuesto si esaki ta posibel. “Lo mi confirma esey cu Departamento di Impuesto y pa nan anuncia esey tambe publicamente den un comunicado di prensa. Pa asina ey den e aña aki en todo caso por cumpli na e capacidad cu nan tin,” Minister Bermudez ta bisa.

CASO
Tabata awe mainta cu Aruba a lanta cu e noticia caminda posibelmente lo paralisa e careteranan. Por lesa mas door di click AKI

Nota: E cambionan referi ta trata solamente pa nummerplaat DT.

Akinan por mira reaccion di Minister Bermudez: