Aerolinea Windward Island Airways International (Winair) entrante 4 di juli lo cuminsa conecta islanan ABC cu Sint Maarten cu 2 vuelo diario.
Segun un comunicado di Winair, e aerolinea ta bay purba nan miho pa complace e demanda cu tin pa conecta islanan ABC cu Sint Maarten despues di e bashi cu Insel Air a bay bancarota. Ya pa algun luna e aerolinea ta brindando servicio 1 biaha pa dia.
Despues cu Insel Air a bay bancarota, a surgi 2 mas cu a purba brinda servicio den region Caribense entre islanan di Reino, esta Divi Divi air y Corendon. Esakinan a existi pa un periodo corto di 4 luna y desde e bashi cu nan a laga demanda a sigui subi, asina hopi cu tin mas demanda cu tin sienta riba e ruta menciona.
Consumidonan ta keha cu prijsnan ta halto y nunca tin luga.
