Na januari 2021 ta lansa MijnCN. MijnCN ta e plataforma online pa servicionan gubernamental na Hulanda Caribense. Habitante- y empresanan por regla nan asuntonan facil, seif y rapido cerca e servicionan afilia.
Belastingdienst Caribisch Nederland ta e prome servicio riba e plataforma. Habitantenan por entrega nan ‘Inkomstenbelasting’ y empresanan ta uza e plataforma pa declara ‘Algemene Bestedingsbelasting’ y ‘Loonheffing’. Den e prome kwartaal di 2021 Asuntonan Social y Empleo tambe ta djoin ku e posibilidad pa dunadonan di trabou meldo ausencia online pa haci peticion pa perdida di sueldo. Despues di tempo lo amplia e portal cu mas servicio di Gobierno Central y gobierno local. Di manera cu habitantenan di Hulanda Caribense por regla nan asuntonan cu gobierno via un portal.
Facil
Usuarionan por ‘log in’ tur caminda y tira un bista den, regla of cambia nan asuntonan. Un website informativo cu animacion i plannan den fase ta yuda nan pasa dor di e sistema. Si acaso un usuario tin mester di ayudo adicional, e ora ey e ‘helpdesk’ gustosamente ta atende nan. Tambe por scoge pa podera un persona pa regla asuntonan pa nan.
save
Pasobra un usuario por firma asuntonan di gobierno cu su cuenta, MijnCN ta tuma siguridad hopi na serio. P’esei ta sigura datonan na diferente manera. Por ehempel tambe cu e posibilidad di ‘2-Factor Authenticatie’. Aki un usuario tin mester di no un, sino dos yabi pa ‘log in’ riba su kuenta úniko i personal.
Rapido
Usuarionan ta regla nan asuntonan na e momento cu ta cumbini nan. For di nan stoel di sosiego, sin rei- di espera, cita- of orarionan estricto. Pa motibo cu tur dato ta drenta digital den e sistema di e servicio concerni, por procesa e datonan mas rapido tambe.
