ORANJESTAD – E dos monedanan ta bayendo den direccion pareu despues cu Mario Draghi, presidente di e banco central di Europa, a menciona cu e lo pone placa den e economia Europeo. Esaki el a bisa durante di un congreso na Frankfurt.
Sr. Draghi a bisa cu e banco central Europeo ta cla pa traha lihe pa pusha e inflacion no existente di Europa. “Si nos dicidi cu e trayectorio actual di nos polisa no ta suficiente pa logra nos obhetivo, nos lo haci locual ta necesario pa hisa inflacion mas lihe cu ta posibel,” El a bisa.”Nos lo haci locual cu nos mester haci.” Esey ta e ultimo noticia cu a bin manera un bom. E remarca di Sr. Draghi a haci cu e euro a perde 0.5% contra di e dollar, lagando e $1.07. Sr. Draghi tin dos opcion awo, e por haci e rates di interes negativo hopi mas of e por extende e programa di print di e banco. E banco central Europeo ta cumprando “bonds” na balor di 60 miyon tur luna. Na mes momento, e reserva federal ta spera pa cuminsa subi interes na Merca. E prome subida aki por bin pronto, manera December caba. Esey kiermen cu Europa y e federal lo ta rancando den direccion contrario. E movecion di banco central Europeo probablemente lo tuma luga dia 3 di december. Mas sigur e lo debita e euro y fortalece e dollar. Mientras cu e federal por duna e dollar un empuhe un biaha mas dia 16 di december.
E ultimo biaha cu e balor di dollar tabata igual na euro tabata 13 aña pasa. Y na e punto si mas halto di e euro na aña 2008, e tabata 1.60 dollar. Analisis haci pa Goldman Sachs ta bisa cu e fiesta por tuma luga prome cu fin di aña. Otronan ta mir’e pa cuminsamento di otro aña. Paul Mortimer-Lee, economista a bisa cu mientras cu e dos monedanan lo ta pareu di otro pa december, euro lo por haya un boost ora cu e accionnan di e federal y e banco central Europeo drenta na vigor. E dollar fuerte lo haci costo di productonan cu ta wordo importa den Merca mas barata. Tambe e ta un bentaha pa cualkier Mericano.
